បឹងយក្សឡោមមានទីតាំងប្រមាណ៥គីឡូម៉ែត្រភាគអាគ្នេយ៍ទីរួមខេត្ត បានលុង។ បឹងដ៏ស្រស់ស្អាតនេះមានទម្រង់ដោយសារភ្នំភ្លើង បន្ទាប់ពីបន្ទុះភ្នំភ្លើងមួយកាលពី៤០០០ឆ្នាំកន្លងទៅ។ ការវាស់ជម្រៅបឹងនេះមានដល់ទៅ៨០០ម៉ែត្រ និងបង្ហាញអោយឃើញទឹកថ្លាឈ្វេងជម្រៅប្រហែល៥០ម៉ែត្រ។នៅជិតមាត់បឹងយក្សឡោមមានអគារបុរាណមួយធ្វើអំពីឈើដែលត្រូវបានកសាងឡើងដើម្បីរក្សាទុកនិងបង្ហាញពីរបស់គួរអោយ ចាប់អារម្មណ៍ជាច្រើនប្រភេទរបស់កុលសម្ព័ន្ធបុរាណដូចជាឧបករណ៍ តន្ដ្រី ឧបករណ៍ធ្វើកសិកម្ម ឧបករណ៍នេសាទ និងក្រណាត់របស់ក្រុមកុលសម្ព័ន្ធភ្នំបុរាណដែលរស់នៅខេត្តរតនគិរី។ សារមន្ទីរជនជាតិភាគតិចនេះជាផ្នែកនៃការតាំងបង្ហាញពីប្រភេទឧបករណ៍ ច្រើនប្រភេទផ្សេងៗរបស់ក្រុមកុលសម្ព័ន្ធតំបន់ភ្នំ។
No comments:
Post a Comment